ကိုယ်ကိုယ်ယုံကြည်မှုရှိတဲ့ လူတစ်ယောက် ရဲ့ အရေးကြီးတဲ့ကိုယ်ရည်ကိုယ်သွေး

မိမိကိုယ်ကိုယ်ယုံကြည်မှု self-confidence ဟာလူတစ်ယောက်အတွက်အရေးကြီးတဲ့ကိုယ်ရည်ကိုယ်သွေးဖြစ်ပါတယ်။ ဘဝလမ်းကိုစတင်လျှောက်လှမ်းကြမယ့် လူငယ်တွေဟာ တစ်ခါတစ်ရံ မှာ အကြောင်းအမျိုးမျိုးကြောင့်ယုံကြည်မှုပျောက်ဆုံးတဲ့အချိန်တွေကြုံကောင်းကြုံရပါလိမ့်မယ်။အဲလိုအချိန်တွေမှာ ယုံကြည်မှုပြန်လည်တည်ဆောက်ဖို့နဲ့ ရှိပြီးသား ယုံကြည်မှုတွေပိုခိုင်မာဖို့ လုပ်ဆောင်ရမယ့်အချက်တွေကို သူငယ်ချင်းတို့အတွက်မျှဝေပေးလိုက်ပါတယ်။ တစ်ပုံချင်းထောက်ကြည့်သွားကြနော်။

(၁)တစ်ကိုယ်ရည်သန့်ရှင်းရေးကိုဂရုစ်ုက်ပြီး သပ်သပ်ရပ်ရပ် ပြင်ဆင်နေထိုင်ပါ။
Branded ကြီးတွေ သုံးဖို့ ဝတ်ဖို့မလိုပါဘူး။ သန့်ရှင်းသပ်ရပ်နေဖို့ပဲလိုတာပါ။ နေ့စဉ်ပုံမှန် တစ်ကိုယ်ရည်သန့်ရှင်းရေးပြုလုပ်ကာ သန့်သန့်ရှင်းရှင်းနေထိုင်ခြင်းဖြင့် ကျွန်တော်တို့ဟာ သာမန်ထက် ပိုပြီး ကိုယ့်ကိုယ်ကို ယုံကြည်မှုတွေတိုးတက်လာမှာ အမှန်ပါပဲ။

(၂) အကောင်းမြင်ပါ။
ကျွန်တော်တို့ဟာ တစ်ခါတစ်လေမှာ မိမိတို့မရခဲ့တဲ့အရာတွေကိုတွေးမိပြီး ကိုယ့်ကိုယ်ကိုယ် အပြစ်တင်ကာပူဆွေးနေတတ်ပါတယ်။ဒါပေမဲ့ အဲ့လိုမရနိုင်တော့တဲ့အခြေအနေတွေကို ပူဆွေးနေမဲ့အစား အကောင်းတွေးလိုက်ခြင်းဖြင့် စိတ်သက်သာရစေပြီး အခြားဝါသနာတစ်ခုမှာ ဇောက်ချလိုက်ခြင်းဖြင့် ယုံကြည်မှုတွေတိုးတက်လာနိုင်ပါတယ်။

(၃)တတ်နိုင်သမျှကြိုတင်ပြင်ဆင်ပါ။
“ပွဲမဝင်ခင် အပြင်ကကျင်းပ” ဆိုသလို ကြိုတင်ပြင်ဆင်ခြင်းအားဖြင့်လည်း မိမိကိုယ်ကိုယ်ယုံကြည်မှုကို တိုးတက်စေပါတယ်။
(၄)စကားဖြေးဖြေးပြောပါ။
“မပြည့်တဲ့အိုး ဘောင်ဘင်ခတ်”ဆိုသလို မိမိကိုယ်ကိုယ် ယုံကြည်မှုမရှိတဲ့သူဟာ စကားပြောတဲ့အခါမှာ အမှားပါမှာကို စိုးရိမ်တဲ့အတွက် မြန်မြန်ပြောတတ်တဲ့အလေ့အထရှိပါတယ်။ ဒါကြောင့် စကားဖြေးဖြေးပြောခြင်းဖြင့် အကြောင်းအရာများကို ပိုမိုချဲ့ထွင်ပြောဆိုနိုင်မည်ဖြစ်ပြီး လူအများကလည်း ကိုယ့်ကိုအထင်ကြီးလေးစားစေမှာပါ။

(၅)ပန်းတိုင်အသေးစားလေးတွေတည်ဆောက်ကာ အရယူပါ။
ကျွန်တော်တို့ တစ်ခါတစ်ရံ ရည်မှန်းချက်ကြီးကြီးမားမားထားကာ မအောင်မြင်ပါက မိမိကိုယ်ကိုယ် ယုံကြည်မှုပျောက်ဆုံးတတိပါတယ်။ အဲ့ဒီလိုအခြေအနေတွေအတွက် ပန်းတိုင်အသေးစားလေးတွေ ပြုလုပ်ပြီး အောင်မြင်အောင်ပြုလုပ်သင့်ပါတယ်။ဥပမာ- အိပ်ယာစောစောထတဲ့အကျင့်လုပ်တာ၊ ညစာလျှော့စားတဲ့ Diet စလုပ်ကြည့်တာတို့ဖြစ်ပါတယ်။

(၆)ပြုံးပါ၊ လေ့ကျင့်ခန်းလုပ်ပါ။
တတ်နိုင်သမျှ ပြုံးကြည့်ပါ။ မိမိချစ်ခင်ရတဲ့သူတွေကို ပြုံးပြလိုက်ခြင်းအားဖြင့် တစ်ချို့သော အကြောင့်အရာတွေဟာ ရှင်းပြစရာမလိုပဲ ပြီးသွားတတ်သလို မိမိနဲ့သူတို့ကြားမှာ ရင်းနှီးမှုတွေတိုးတက်စေပါတယ်။
လေ့ကျင့်ခန်းလုပ်ခြင်းအားဖြင့် စိတ်ပိုင်းဆိုင်ရာရော ရုပ်ပိုင်းဆိုင်ရာပါ ဖွံဖြိုးတိုးတက်လာနိုင်စေတဲ့အတွက် လူအများကြား ပြောဆိုဆက်ဆံဖို့ရာ ယုံကြည်မှုအပြည့်နှင့် ပြုမူဆောင်ရွက်နိုင်မှာဖြစ်ပါတယ်။

(၇)စေတနာ့ဝန်ထမ်းအဖြစ်ပါဝင်ဆောင်ရွက်ပါ။
စေတနာ့ဝန်ထမ်းအဖြစ်ပါဝင်ဆောင်ရွက်ခြင်းဖြင့် မိတ်ဆွေသူငယ်ချင်းအသစ်များ၊ အတွေ့အကြုံအသစ်များ၊ ပြဿနာဖြေရှင်းမဲ့နည်းလမ်းအသစ်များကို ပူးပေါင်းဆောင်ရွက်မှုမှရရှိနိုင်ပါတယ်။
(၈) ပြောင်းလဲမှုတွေကို ဖြည်းဖြည်းချင်းစတင်ပါ။
ဘယ်ကိစ္စမဆိုအစပိုင်းတော့ခက်တဲ့သဘာဝရှိတတ်ပါတယ်။ဒါကြောင့် အစပိုင်းမှာ ပြောင်းလဲမှုတွေကို အရမ်းကြီး မပြုလုပ်ပဲ တဖြည်းဖြည်းချင်းစီစတင်ကာ မိမိကိုယ်ကိုယ် ယုံကြည်မှုကိုတည်ဆောက်သင့်ပါတယ်။

မူရင်းရေးသားသူအား လေးစားစွာဖြင့် credit ပေးပါသည်။

Leave a Reply

Your email address will not be published. Required fields are marked *